Apuang Apuang

Bialah pandan tumbuahnyo gadang
Daunnyo panjang jelo bajelo
Mangkonyo denai pai jo urang
Iduik jo Uda mungkin sansaro

Rumpuik saruik panjanglah baa
Pandan dirimbo lah maladuangkan
Sakik iduik sananglah baa
Lah panek badan dek manangguangkan

Sapulah sarok, sarok jarami
Usah dibuang di dakek dapua
Apo diharok yo bakeh kami
Untuang bak abu diateh tungku

Apuang apuang Sitinjau Lauik
Sandaran badia jo mariam
Den sapantun jo limau hanyuik
Dima tasangkuik sinan bamalam

(Terakhir dipopulerkan oleh Fetty dan Zalmon)
http://laguminanglamo.wordpress.com/